“SUN paper” markası 1997-ci ildə “Qafqaz Kağız Sənaye MMC” - nin məhsullarının ilk brendi kimi yaradılıb. 1997-ci ildən bu günə kimi müxtəlif dizaynlarda loqo mükəmməlləşdirilərək bugünkü səviyyəyə çatıb.

“SUN” sözü ingilis dilindən tərcümədə “günəş”, “paper” isə kağız mənasına gəlir. Bu ise bizim ümumi korporativ şirkətimizin “SUN Group” adı ilə bağlıdır. “SUN paper” markası Azərbaycan Təmizlik Kağızı bazarına ilk daxil olan markalardan biri kimi artıq öz mövqeyini möhkəmlədib.

“SUN paper” markası bu günə kimi alt və orta seqmentdəki insanlara, istehlakçılara yönəlmiş bir marka olaraq fəaliyyət göstərirdi. 2007-ci ildən etibarən “SUN paper” markasının məhsul çeşidlərinin, yəni, portfelinin genişliyini, kağız xammalının daha da keyfiyyətli olmasını nəzərə alaraq onu daha üst seqmentə çəkilməsinə qərar verildi və bazara “Müasir həyatın ehtiyacı ” sloqanı ilə birlikdə təqdim olundu. Yəni müasirliyə önəm verən, müasir və rahat yaşamağa yönələn, gigiyena və ailəsinin sağlamlığını düşünən insanların gündəlik həyatları “SUN paper” ilə daha rahat, şən və sağlam olacaq.

“SUN paper” markasının özəlliklərindən biri də onun həm gündəlik istifadə üçün, həm də sənaye, yəni HoReCa (hotel, restoran, kafe və s.) sektoru təmizlik kağızı məhsullarının müxtəlif ölçülərdə, rənglərdə ev və iş yerləri üçün sərfəli kağız dəsmallar, qutu dəsmallar, cib dəsmalları, mətbəx dəsmalları, tualet kağızı mövcud olmasıdır.